✺Baburname

Muhammad Shayboniy Xon kim Andijonda Sulton Ahmad Tanbalni olib Hisor ustiga mutavajjih bo‘lg‘on bila urushsiz-u talosh viloyatlarni toshlab chiqdilar. Shayboniy Xon Hisor keldi. Hisorda Shirim Chehra va bir pora obdon yigitlar edi. Bovujud kim beglari viloyatlarini toshlab kettilar, bular Hisor qo‘rg‘onini bermay berkittilar. Shayboniy Xon Hisorning muhosarasini Hamza Sulton bila Mahdiy Sultong‘a uhda qilib, o‘zi Qunduz kelib, inisi Mahmud Sultong‘a Qunduz viloyatini berib, o‘zi betavaqquf Xorazm, Chin So‘fiyning ustiga mutavajjih bo‘ldi. Hanuz Samarqandg‘a yetmaydur edi kim inisi Mahmud Sulton Qunduzda

o‘ldi. Qunduzni Qambar Biy Marviyg‘a berdi. Xusrav Shoh kelgan mahal Qunduzda Qambar Biy edi. Qambar Biy muta’oqib Hamza Sultong‘a va o‘zga sultonlarg‘a kishilar chopturub tiladi. Hamza Sulton Omu qolg‘on yoqasig‘a Saroyg‘a kelib, cherigini o‘g‘lonlari va beglariga boshlatib Qunduz yibordi. Bular yetgan bila-o‘q chiqdilar. Urusha ham olmadi. Tanbal mardak qocha ham olmadi. Ushul zamon-o‘q Hamza Sultonning kishi-lari tushurdilar. Xoharzodasi Ahmad Qosimni, Shirim Chehrani, yana ba’zi obdon yigitlarni o‘lturdilar. Qunduzg‘a kelturub Xusrav Shohning bo‘ynig‘a urub, boshini Xorazm, Shayboniy Xon qoshig‘a yibordilar. Xusrav Shoh aytqon dek,