✺Baburname

ibrom ko‘p qildi, Muhammad Burunduq tavr javob berdi. Aytti kim: «O‘tuz ming no‘karing bila tamom viloyatlaring kim elikingda edi, ne qilding kim holo besh yuz kishing bila O‘zbak tasarrufidag‘i viloyatlarg‘a ne qilg‘oy sen?» Bir necha nasihatlar qilib, ma’qul so‘zlar dedilar. Chun ajal yetib edi, ta’sir qilmadi. Ibrom ko‘prak qildi. Oxir ijozat berdilar. Uch to‘rt yuz kishisi bila rost Dahona haddig‘a kirib keldi.

Ushul fursat Nosir Mirzo ol yuzga o‘tub edi. Kelib Nosir Mirzoni Dahona navohisida ko‘rdi. Badaxshon sardorlari Nosir Mirzoni yolg‘uz tilar edilar.

Xusrav Shohni tilamas edilar. Nosir Mirzo har necha sa’y qildi, Xusrav Shoh anglab Ko‘histon borurg‘a rozi bo‘lmadi. Xusrav Shoh xayoli bu edi kim Mirzoni ta’biya-dek olib yurub viloyatni eliklagay. Oxir suhbat chiqmay Ishkamish navohisida yasatishib, jabalar kiyishib, urusha yozib ayrilib, Nosir Mirzo Badaxshon sori tortti. Xusrav Shoh bo‘lak lang-u lavandni yig‘ib, yaxshi-yomon mingcha kishisi bila Qunduzni qopamoq do’iyasi bila kelib, bir iki yig‘och Xoja Chor Toqqa tushti.