✺Baburname

yumurtqalarini olg‘oli kelgan ikki afg‘on bizni ko‘rgan bila o‘zini sug‘a soldi.

Bir necha kishi yarim kuro‘hga yavuq borib kelturdilar. G‘araz kim muncha yo‘l kim bordilar, su bir qoida bila otning qornida edi. Tuz yer uchun g‘olibo suyi chuqur emastur.

Kattavoz dashtining Ob-i Istodag‘a kelur rudining yaqosig‘a kelib tushtuk. Bu rud quruq rudtur. Munda hargiz su oqmas. Necha navbat kim mundin o‘tuptur biz, hargiz bu rudta oqar su ko‘rulmaydur. Bu navbat yoz yog‘inlari jihatidin bu rudqa andoq su keliptur kim aslo guzar topa olmaduk. Agarchi xayli ariz emas, vale bisyor amiq edi.

Tamom ot va tevani uzdurub kechildi. Ba’zi partol dek nimani arg‘amchig‘a bog‘lab ol yuzdin tortib oldilar. Bu sudin o‘tub Ko‘hna Noni bila Sardih bandidin o‘tub G‘aznig‘a kelduk. Jahongir Mirzo bir-ikki kun mehmondorliq qilib, oshlar tortib, peshkashlar qildi. Ol yil aksar sular ulug‘ kirib erdi, andoq kim Dih Ya’qub suyidin guzar topilmas edi. Men ko‘lda yosotg‘on kemani kelturub Kamari to‘g‘rida Dih Ya’qub suyig‘a solib, el kema bila o‘tar erdilar. Bu jihattin Sajovand ko‘talidin o‘tub Yakruyg‘a kelib, Kamaridin kema bila suni kechib, Zilhijja oyida