✺Baburname

So‘zni Dashtni chopib ol yo‘l bila chiqarg‘a qo‘yub tonglasi andin ko‘chub ushbu rudning yaqosida Iso Xaylning kentiga tushuldi. Iso Xayl xabar topib Cho‘pora tog‘larig‘a o‘zlarini tortibturlar. Iso Xaylning kentidin ko‘chub Cho‘pora tog‘larining domanasig‘a tushuldi. Chopqunchi tog‘larg‘a borib Iso-Xaylning bir sangarini ushatib qo‘y-u gala-vu raxt kelturdilar. Ushbu oqshom Iso Xayl Afg‘onlari shabixun kelturdilar. Ol yurushta bisyor ehtiyot qililur erdi. Hech ish qila olmadilar. Mundoq ehtiyot qililur erdi kim barang‘or, javong‘or, g‘o‘l, irovo‘l, har qaysi budoliq budolida tushub har qo‘l

o‘z to‘shidin yarog‘lanib yayoq orduning girdiga chodirlardin bir o‘q otimi yiroqroq chiqib kecha ushanda-o‘q bo‘lurlar erdi. Har kecha bu dastur bila tamom cherik elini chiqarilur erdi. Ichkilardin uch to‘rti mash’al bila har oqshom navbat bila evrulur erdilar. Men ham birar navbat evrulur edim. Chiqmag‘on kishining burnin teshib cherikdin evurur erduk. Barang‘or Jahongir Mirzo, Boqiy Chag‘oniyon, Shirim-Tag‘oyi, Sayyid Husayn Akbar va yana ba’zi beglar erdi. Javong‘or Mirzo Xon, Abdurrazzoq Mirzo, Qosim Beg va yana ba’zi beglar erdi. G‘o‘lda ulug‘ beglardin kishi yo‘q edi. Tamom ichki beglar edi. Irovulda Sayyid Qosim Eshik Og‘o, Bobo O‘g‘li, Alloh Quli Beran va yana ba’zi