✺Baburname

Tonglasi andin ko‘chub Hangug‘a tushuldi. Bu navohidag‘i Afg‘onlar bir porcha tog‘ni sangar qildilar. Sangar lafzini Kobulg‘a kelganda eshitildi. Bu el tog‘-ni berkitganni sangar derlar ermish. Sangarini ushatib yuz iki yuz mutamarrid Afg‘onlarning boshlarini kesib kelturdilar. Munda ham kalla minora qo‘po-rildi. Hangudin ko‘chub ora qo‘nub yuqori Bangashning ayog‘i Til degan yerga tushuldi. Munda ham cherik eli bu gird-u navohidag‘i Afg‘onlarni chopa bor[ib?] edilar [?]. Sangardin ba’zi chopqunchi yengilrak yonibtur. Mundin ko‘chub yo‘lsiz yurub ora bir qo‘nub tonglasi bir tiptik inishdin inib

uzun uzoq tangidin o‘tub Bannug‘a tushuldi. Cherik eli va teva va ot bu inish-u tangida asru ko‘p emgandilar. Tushgan o‘lja uylar xud aksari qoldi. Ammo yo‘l o‘ng qo‘lumizda bir iki kuro‘h ekandur. Bu yo‘l otliq yo‘li emas ekandur. Qo‘ychi cho‘pon gohi gala-vu ramani bu yo‘l-u tangi bila indurur uchun bu yo‘lni Go‘sfandliyor der ermishlar. Yo‘lni Afg‘on tili bila liyor derlar. Boshchi Malik Bu Sa’id Kamariy edi. Aksar cherik eli yo‘l chap tushganini Malik Bu Sa’iddin ko‘rdilar. Bangash-u Nag‘ar tog‘laridin o‘tkach-o‘q Bannu tuz yerda voqi’ bo‘lubtur. Shimoli Bangash-u Nag‘arning tog‘laridur. Bangash rudi Bannug‘a