✺Baburname

og‘zidin birar birar o‘tar. Bu ichkariki og‘zining yig‘ochlarining uchini bir [?] qilib turlar. Bu og‘zidin o‘tub uluq chig‘ning ichiga kim kirar, chiqar og‘zini xud berkitib turlar. Balig‘ chiqa olmas. Yonsa bu kichik chig‘ning ichkariki og‘zining shishlar jihatidin o‘ta olmas. Bu chig‘ni ol qo‘yg‘on eshikka kim berkiturlar, mohixonaning ustini ocharlar. Girdogirdi xud kirinj paloli bila mazbuttur. Har ne ilikka kelsa bu chuqurda tutarlar. Har balig‘ kim qochsa eshik bir o‘qtur. Ushul mazkur bo‘lg‘on chig‘qa tushar. Anda tutarlar. Bu nav’ balig‘ tutmoq o‘zga yerda ko‘rulgan emas. Kobul olg‘ondin bir necha kun so‘ng Muqim Qandahor

sorig‘a ruxsat tiladi. Chun ahd-u shart bila kelib edi, tamom kishi qaro va raxt-u matoi bila solim-u salomat ota og‘osi sori ruxsat berildi. Muqimg‘a ruxsat bergandin so‘ng Kobul viloyatini mirzolarg‘a va tamom mehmon beglarga o‘q taqsim qilildi. G‘aznini tavobi’-u lavohiqi bila Jahongir Mirzog‘a berildi. Niganhor tumani va Mandrovar va Dara-i Nur va Kunar va Nurgal va Chag‘on Saroyni Nosir Mirzog‘a berildi.

O‘zum bila qazoqliqlardin [?] bila bo‘lub kelgan beglarga kentlar kent-u tuyul dek berildi. Viloyat xud hech berilmadi. Yolg‘uz bu emas.