✺Baburname

Uzunlug‘i bir qorish bo‘lg‘oy. Gaz tarafidin bu tinobni bu yig‘ochg‘a tugangucha chirmarlar. Tinob tugangandin so‘ng bildurgani berkiturlar. Andin so‘ng bilakcha yig‘ochni tinob ichidin chiqarurlar. Tinob chirmog‘liq kovok-o‘q turar. Bildurgani elikka solib keladurgan qushning olli sori gazni otarlar. Qushning qanotig‘a yo bo‘ynig‘a tusha chirmashib qush yiqilur. Tamom Boron eli bu tariq bila qalin qush tutarlar, vali bu qush tutmoqning xayli mashaqqati bor. Yomg‘urluq va qorong‘u kechalari kerak. Bu kecha-larda bu qushlar sibo’-u darandalar jihatidin tong otquncha tinmaslar va muttasil ucharlar va past ucharlar. Qorong‘u kechalarda qushlarning yo‘li oqar sudur. Qorong‘uda oqorib

ko‘runur. Qo‘rqunchdin su yuqori, su qo‘yi tong otquncha borurlar va kelurlar. Tino-bni bu mahalda otarlar. Men bir qatla kecha tinob ottim. Tinob uzuldi va qush ham topilmadi.

Tonglasig‘a qushni uzulgan tinob bila topib kelturdilar. Bu tariq bila Boron eli qalin uqor tutarlar. Soch o‘tog‘asi uqordin bo‘lur. Iroqqa va Xurosong‘a Kobuldin bir mato’i kim borur soch o‘tog‘asidur. Yana jam’i sayyod qullardur. Iki yuz-uch yuz uyluk bo‘lg‘oylar. Temur Beg avlodidin birisi bu qullarni Multon navohi-sidin ko‘churub kelgandur. Ishlari kuchlari qush tutmoqdur. Ko‘llar yasab, qalin yig‘ochlar tikib, ko‘l o‘rtasida tor qo‘yub har jins qush tutarlar.