✺Baburname

va archasi ham yo‘qtur, vali oti atqa va qo‘yg‘a sozvordur. Bu tog‘larning usti tamom at chopqu dek hamvordur. Ekinlari tamom anda bo‘lur. Bu tog‘larning kiyiki qalin bo‘lur. Tek-oblari berk daralardur. Aksar yerlari yakandozdur. Har yerdin tushub bo‘lmas.

Bu ajabtur: jami’ tog‘larning berk yerlari balandilarda bo‘lsa, bu tog‘larning berk yerlari pastilarida voqi’ bo‘lubtur. G‘ur-u Gazyu va Hazora tog‘lari ham bu yosunluq tog‘lar-dur. O‘tlog‘i julgasida bo‘lur. Tog‘larida yig‘ochi ham kamdur. Archa yig‘ochi xud yo‘qtur.

Oti atqa va qo‘yg‘a sozvordur. Kiyiki qalin bo‘lur. Mazkur bo‘lg‘on tog‘larning berk yerlari qo‘yilarida bo‘lur. Bu tog‘lar andoq emastur. Yana Xoja Ismoil-u Dasht-u Dukiy va Afg‘oniston tog‘lari bir yosunluq tog‘lardur. Past-past, oti oz, suyi tanqis, yig‘ochsiz, badnamoy, yoromas tog‘lardur. Tog‘lari ellarig‘a munosib tushubtur, nechuk kim: «Teng bo‘lmag‘uncha tush bo‘lmas», debturlar. Olamda mundoq yoromas vaz’liq tog‘lar kam bo‘lg‘oy. Kobulning agarchi qish qori ulug‘ tushar, vali yaxshi o‘tunlari bordur va yovuqdur. Bir kunda borib keltursa bo‘lur. O‘tunlari xanjak-u bolut-u bodomcha va qarqanddur. Bulardin yaxshirog‘i xanjakdur. Yorug‘ kuyar. Tutunining yaxshi idi bo‘lur. Cho‘g‘i ham g‘alaba turar. O‘li ham