✺Baburname

Kobul viloyatining sharq tarafidog‘i tog‘lari iki turlukdur; g‘arb tarafidog‘i tog‘lari iki turlukdur. Andarob-u Xost-u Badaxshon tog‘lari tamom archoliq, qalin chashmaliq, yumshoq pushtaliq tog‘lardur. Oti tog‘ining va pushtasining va julgasining yer dek bo‘lur xub [?].

Aksar butaka oti bo‘lur. Atg‘a bisyor sozvor otdur. Andijon viloyatida bu otni butaka oti derlar. Vajh-i tasmiyasi ma’lum emas erdi. Bu viloyatlarda ma’lum bo‘ldi. Bu ot buta-buta chiqor uchun butaka derlar emish. Hisor-u Xutlon-u Samarqand-u Farg‘ona va Mo‘g‘ulistonning yoyloqlari tamom ushbu vaz’liq yoyloqlardur. Agarchi Farg‘ona bila Mo‘g‘ulistonning yoyloqlarining bu yoyloqlarg‘a hech nisbati yo‘qtur, vali bir yosunluq tog‘lar-u yoyloqlar-dur. Yana bir Najrov-u Lamg‘onot-u Bajur-u Savot tog‘lari qalin noju va chilg‘uza va bolut-u zaytun va xanjakliq tog‘lardur. Oti bu tog‘larning oti dek emastur. Qalin bo‘lur va baland bo‘lur, vali befoyda otdur. At bila qo‘yg‘a sozvor emastur. Agarchi ol tog‘larcha

baland emastur, ko‘zga haqir ko‘runur, vali g‘arib berk tog‘lardur. Hamvor-hamvor tepa-lar ko‘runur, vali tamom pushtasi va tog‘i berk toshliq pushta va tog‘dur. Har yeridin at bila yurub bo‘lmas. Bu tog‘larda Hinduston qushlari, Hinduston jonvorlari bisyordur. Misli to‘ti va shorak va tovus va lucha va maymun va nilogov va ko‘tapoy, balki bu mazkur bo‘lg‘on jonvorlardin dog‘i o‘zga-o‘zga jins qushlar-u jonvorlar bo‘lur kim Hinduston-da dog‘i andoq jonvorlarni eshitilmaydur. G‘arb tarafidog‘i tog‘lar Dara-yi Zindon va Dara-yi Suf-u Gurzavon-u G‘arjiston tog‘lari bir yosunluq tog‘lardur. O‘tlog‘i aksar julga bo‘lur. Ol tog‘lar dek tog‘i va pushtasi yakdast o‘t bo‘lmas. Andoq qalin yig‘ochi