Baburname

Demir Barlas

Page 278 · 140a
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 140a
Choose languages

Page 278 of 762

Latin transcription

Qush tutar kishilar bu panohlarda o‘lturub torning bir uchini besh-olti qori yiroqroq berkiturlar. Torning bir tarafini yerda toshg‘a bostururlar. Yana torning bir tarafida torning yorimig‘ocha uch-to‘rt qori yig‘och bog‘larlar. Yig‘ochning bir uchi panohda o‘lturg‘on kishining eligidadur. Yasog‘on panohning to‘shuklardin muntazirdur.

Languages

Chagatay

قوش توتار کیشیلار بو پناه لاردا اولتوروب تورنینک بیر اوچینی بیش آلتی قاری ییراقراق بیرکیتورلار تورنینک بیر طرفینی ییرده تاشغه باستورورلار ینه تورنینک بیر طرفیده تورنینک یاریمیغاچه اوچ تورت قاری ییغاچ باغلارلار ییغاچ نینک بیر اوچی پناهدا اولتورغان کیشی نینک ایلیکیده دور یاساغان پناه نینک توشوک لاردین منتظر دور

Turkish

Kuş tutanlar bu siperlere oturup ağın bir ucunu beş altı arşın öteye bağlarlar. Ağın bir yanını yerde taşın altına sıkıştırırlar. Öbür yanına, ağın yarısına kadar üç dört arşınlık bir sırık bağlarlar. Sırığın bir ucu siperde oturan kişinin elindedir. Yaptığı siperin deliklerinden gözetleyip bekler.

English

Not yet available.

Latin transcription

Qushlar yovuq kelgach-o‘q torni ko‘tarurlar. Qushlar o‘zi-o‘q torg‘a kirar.

Languages

Chagatay

قوشلار یاووق کیلکاچ اوق تورنی کوتارورلار قوشلار اوزی اوق تورغه کیرار

Turkish

Kuşlar yaklaşır yaklaşmaz ağı kaldırırlar. Kuşlar kendiliğinden ağa girer.

English

Not yet available.

Latin transcription

Bu tadbir bila g‘alaba qush tutarlar kim bo‘g‘uzlarg‘a fursat bo‘lmas. Ol viloyatda Olo Soy anoridin yaxshiroq anor bo‘lmas. Muning anorlarini tamom Hindustong‘a eltarlar. Uzumi ham yomon bo‘lmas. Najrov chag‘irlardin Olo Soy chag‘irlari tundroq va xushrangroqdur. Yana bir Badrov bulukidur. Olo Soyning yonidadur. Munda meva bo‘lmas. Korandasi kofirdur. Oshliq olurlar. Nechuk kim Xuroson-u Samarqand Atrok va Aymoq sahronishindurlar, bu viloyatning sahronishini Hazora va Avg‘ondur. Hazora-lardin kulliyroqi Sulton Mas’udiy Hazoradur. Avg‘onlardin kulliyroqi Muhmand Avg‘oniy-dur. Kobulning jam’ini viloyat-u tamg‘o va sahronishini bila sekiz lak shohruxiy jam’ qildilar.

Languages

Chagatay

بو تدبیر بیله غلبه قوش توتارلار کیم بوغوزلارغه فرصت بولماس اول ولایتدا آلا سای اناریدین یخشیراق انار بولماس مونینک انارلارینی تمام هندوستان غه ایلترلار اوزومی هم یامان بولماس نجراو چغیرلاردین آلا سای چغیرلاری توندراق و خوش رنگراقتور ینه بیر بدراو بلوکیدور آلا سای نینک یانیده دور مونده میوه بولماس کارنده سی کافردور اشلیق آلورلار نیچوک کیم خراسان و سمرقند اتراک و ایماق صحرا نشین دورلار بو ولایت نینک صحرانشینی هزاره و افغان دور هزاره لاردین کلی رایی سلطان مسعودی هزاره دور افغانلاردین کلی رایی مهمند افغانی دور کابل نینک جمعینی ولایت و تمغا و صحرانشینی بیله سیکیز لک شاهروخی جمع قیلدیلار

Turkish

Bu yöntemle o kadar çok kuş tutarlar ki boğazlamaya vakit kalmaz. O vilayette Ala Say narından daha iyi nar olmaz. Narlarının hepsini Hindistan’a götürürler. Üzümü de fena değildir. Ala Say şarapları Nicrav şaraplarından daha sert ve daha güzel renklidir. Bir de Bedrav bölüğü vardır; Ala Say’ın yanındadır. Burada meyve olmaz. Çiftçileri gayrimüslimdir; tahıl yetiştirirler. Horasan ve Semerkant’ta Türkler ve Aymaklar nasıl kırda yaşarsa, bu vilayetin kır halkı da Hezareler ve Afganlardır. Hezare-lerin en kalabalığı Sultan Mesudî Hezareleridir. Afganların en kalabalığı Muhmend Afganları-dır. Kâbil’in toplam gelirini, vilayet, tamga vergisi ve kır halkıyla birlikte sekiz lek şâhruhî hesapladılar.

English

Not yet available.