✺Baburname

bu harfni rivoyat qildilar. Haydar Ali Bajuriy kim Bajurning sultoni edi, ol viloyatni xayli yaxshi zabt qilib edi. Onosi o‘lganda yig‘lamas, azo tutmas, qora chirmomas, der kim: Boring, qatqa soling. Agar mutaharrik bo‘lmasa kuydurgumdur. Qatqa solurlar, ma’hud harakat ol o‘lukdin sodir bo‘lur. Muni eshitkach qora chirmob azo tutar. Yana bir bo‘luk Chag‘on Saroydur. Bir kenttur, muhaqqar yeridur. Kofiristonning og‘zi-dur. Eli kofirlar bila omixta uchun, agarchi musulmondur, vale kuffor rusumini barjoy kelturur-lar. Ulug‘ rud kim Chag‘on Saroy suyig‘a mashhurdur, Chag‘on Saroyning sharq-shimolidin va Bajurning orqasidin kelur. G‘arb tarafidin Pich [?] otliq Kofiristondin

yana bir kichikrak su kelib bu sug‘a qotilur. Chag‘on Saroyning zardcha tund chog‘irlari bo‘lur. Dara-i Nur chog‘irig‘a hech nisbati yo‘qtur. O‘zining uzumi va bog‘i bo‘lmas.

Su yuqqorig‘i Kofiristondin va Pich [?] Kofiristondin keltururlar. Men Chag‘on Saroyni olg‘onda Pich [?] kofirlari bu elga ko‘mak kelib edi. Chog‘ir anda andoq shoyi’dur kim har kofirning bo‘ynida bir xik chog‘ir edi. Su o‘rnig‘a chog‘ir ichib yururlar edi.

Koma agarchi boshqa yer emas, Niganhor tavobi’idindur, vale muni ham bo‘luk derlar. Yana bir Nijrov tumanidur. Kobulning sharq-shimolida ko‘histonda voqi’ bo‘lubtur. Orqasida tog‘lar tamom Kofiristondur. Tavr go‘shadur. Uzum va mevasi bisyor, chog‘iri ham g‘alaba bo‘lur, vale jo‘shida qilurlar. Qishlar tovuqni bisyor parvoriy qilurlar. Eli sharobxor va benamoz va novehm va kofirvash eldur. Tog‘larida noju va chilg‘o‘za va balut va xanjak yig‘ochlari bisyor bo‘lur. Noju, chilg‘o‘za, balut diraxti mundin qo‘yi bo‘lur. Nijrovdin yuqqori aslo bo‘lmas. Hindustoniy diraxt-laridur. Bu ko‘histon elining chirog‘lari tamom chilg‘o‘za yig‘ochidindur. Sham’dek yonar. Xayli g‘arobati bordur. Nijrov tog‘larida ro‘ba-i parron bo‘lur. Ro‘ba-i parron bir jonvoridur,