✺Baburname

Atrofi tamom noranj diraxtlaridur. Anorlar diraxtlari ham bor. Bu havzning girdogirdi tamom sabargazordur. Bog‘ning ayn yeri ushbudur. Noranjlar sar-g‘org‘on mahalda bisyor yaxshi ko‘runur, xayli yaxshi voqi’ bo‘lubtur. Ko‘h-i Safed Niganhorning janubida voqi’ bo‘lubtur. Bangash bila Niganhorg‘a vosita ushbu tog‘dur. Otliqqa yo‘l yo‘qtur. To‘quz rud ushbu tog‘din chiqar. Bu tog‘din qor hargiz o‘ksumas. Bu jihatdin g‘olibo Ko‘h-i Safed derlar. Qo‘yi jo‘lgada hargiz qor tushmas. Fosila tushchilik yerdur. Bu tog‘ domanasida yaxshi havoliq yerlar bor. Sulari sovuq, yax ehtiyoji bo‘lmas.

Odinapur qo‘rg‘onining janub tarafi Surx Rudtur. Qo‘rg‘on balandida voqi’ bo‘lubtur. Rud tarafi qirq ellik qori yakandoz tog‘dur. Shimolida bir porcha tog‘ tushubtur. Xayli berk qo‘rg‘ondur. Bu tog‘ Niganhor bila Lamg‘onotning orasida-dur. Har qachon Kobulda qor yog‘sa, bu tog‘ning qullasig‘a qor tushar. Lamg‘on eli Kobulda qor yog‘qonni mundin bilurlar. Bu Lamg‘onotg‘a Kobuldin kelur yo‘l, agar Quruq Soy bila kelsalar, bir yo‘l Diri ko‘talidin oshib borib Bulondin Boron suyi-din o‘tub Lamg‘onot sori o‘tar. Yana bir yo‘l Quruq Soy qo‘yi Qorotudin o‘tub Lamg‘on borur. Agar Nijrov bila kelsalar, Badrovdin o‘tub Qorang‘rig‘din [?]