✺Baburname

borg‘on ko‘ragan [?] navkarlarim yig‘ildilar. Uch yuzdin ko‘prak kishi bor edi. Xotirimg‘a keldi kim to kay bu Farg‘ona viloyatida sargardon bo‘lub yurumoq kerak. Har tarafg‘a talab qila men deb Muharram oyida Farg‘ona viloyatidin Xuroson talabig‘a otlonib chiqtim.

Muharram oyi Farg‘ona viloyatidin Xuroson azimati bila Ilik yaylog‘ig‘a kim Hisor viloyatining yaylog‘laridindur, kelib tushtum. Ushbu yurtta yigirma uch yoshning ibtidosida yuzumga ustura qo‘ydum. Ulug‘ kichik men umidvorliq erishib yurudurg‘onlar ikki yuzdin ko‘prak uch yuzdin ozroq bo‘lg‘oy edi. Aksar yayoq va eliklarida tayoq va oyoqlarida choruq va eginlarida chapon edi. Usrat bu martabada edi kim bizning oroda ikki chodar edi. Mening chodarim volidamg‘a tikilur edi. Manga har yurtta alochuq yosar edilar.

Munda olturur edim. Agarchi Xuroson azimati qililib edi, vale ushbu hol bila bu viloyat-tin va Xusrav Shohning navkarlaridin umidvorliq bor edi. Bir necha kunda bir kishi kelib viloyattin va el-u ulusdin so‘zlar taqrir qilur edi kim mujibi umidvorliq bo‘lur edi. Bu fursatta Mullo Boboyi Pashog‘ariyni kim Xusrav Shohq’a elchilikka yiborilib edi, keldi. Xusrav Shohdin ko‘ngulga yoqqudek so‘z kelturmadi, vale el-u ulusdin so‘zlar kelturdi. Iliktin uch to‘rt ko‘ch bila Hisor navohisig‘a Xoja Imod degan yerga kelib tushuldi. Bu yurtta Muhibb Ali Qurchi Xusrav Shohdin elchilikka keldi. Xusrav Shoh kim karam-u saxovat bila mashhur edi, ikki navbat mururimiz aning viloyatidin voqi’ bo‘ldi; adno