Demir Barlas
Open a passage to bookmark it.
Saved in this browser.باریدین بورون بو فاطمه سلطان اغا نی الیب ای دی یانه بیر قراکوز بیکم ایردی
hepsinden önce bu Fatıma Sultan Ağa’yı almıştı. Bir diğeri Karagöz Begim’di.
had married this Fatima Sultan Agha before all the others. Another was Qara Koz Begim,
سونکرا الیب ای دی خیلی سوی کولوک ای دی میرزا نینک خوش امدی غه نسبینی سلطان ابو سعید میرزا نینک اغاسی منوچهر میرزا غه ییتکوروب ای دی غوما و غنچه چی خیلی بار ای دی بیر امید اغاچه ای دی میرزا دین بورون اولوب ای دی میرزا نینک اخر محل لاریدا بیر تون سلطان ای دی مغول دین ای دی
Onu sonradan almıştı. Çok sevilirdi. Mirza’yı hoşnut etmek için soyunu Sultan Ebu Said Mirza’nın ağabeyi Minuçihr Mirza’ya bağlamışlardı. Odalıkları ve cariyeleri çoktu. Birisi Ümid Ağaça’ydı. Mirza’dan önce ölmüş-tü. Mirza’nın son zamanlarında Tun Sultan vardı. Moğullardandı.
whom he married later. She was much loved. To please the Mirza, her lineage had been traced to Minuchehr Mirza, Sultan Abu Sa‘id Mirza’s elder brother. There were many ghuma and ghunchachi [harem women; the distinction between the terms is uncertain]. One was Umid Aghacha. She had died before the Mirza. In the Mirza’s last years there was a Tun Sultan. She was a Moghul.
یانه اغا سلطان ای دی امرای خدایی بیردی تیمور تاش ایردی هری حاکمی اق بوغا بیک نینک اغاسی نینک نسلی دین دور سلطان ابو سعید میرزا جوکی میرزا نی شاهروخیه دا قاپاغاندا فرغانه ولایتینی عمر شیخ میرزا غه بیریب ایشیکنی بو خدایی بیردی تیمور تاش قه باشلاتیپ ییبارب ایردی اول محل دا بو خدایی بیردی تیمورتاش ییکرمه بیش یاشتا ایردی اگرچه یاشی کیچیک ایردی تزوکی و ضبط و ربطی بسیار یخشی ای دی بیر ایکی ییل دین سونکرا ابراهیم بیکچیک اوش نواحی سینی چاپاغاندا خدای بیردی تیمور تاش کیینی چه باریب اوروشوب باسیلیب شهید بولدی اول فرصت تا سلطان احمد میرزا اورا تیپه نینک اق قچغای دیکان ییلاقی دا ای دی کیم سمرقند تین اون سیکیز ییغاچ شرق جانبی دور سلطان ابو سعید میرزا بابا خاکی دا ای دی کیم هری دین اون ایکی ییغاچ شرق ساری دور بو خبر نی عبدالوهّاب شقاول دین عرض داشت قیلیب میرزا غه چابتوردی لار بو یوز ییکرمه التی ییغاچ یولنی تورت کون دا چاپادور یانه بیر حافظ محمد بیک دولدای ایردی سلطان ملک کاشغری نینک اوغلی احمد حاجی بیک نینک اینکسی ایردی خدای بیردی بیک اولکان دین سونکرا مونی ایشیک اختیار قیلیب ییبارب ایردی لار سلطان ابو سعید میرزا نینک واقعه سی دین سونکرا اندیجان بیکلاری بیله یخشی چیقیشماغان جهتی دین سمرقند غه سلطان احمد میرزا ملازمتیکه باردی سلطان احمد میرزا غه چیر شکستی بولغاندا اورا تیپه دا ای دی
Bir de Ağa Sultan vardı. Emirleri: Hudayberdi Timurtaş vardı. Herat valisi Ak Buğa Bey’in ağabeyinin soyundandır. Sultan Ebu Said Mirza, Cuki Mirza’yı Şahruhiye’de kuşattığında, Fergana vilayetini Umar Şeyh Mirza’ya verip saray idaresinin başına bu Huday-berdi Timurtaş’ı getirerek göndermişti. O zaman Hudayberdi Timurtaş yirmi beş yaşındaydı. Yaşı küçük olmakla birlikte, düzeni ve yönetim becerisi çok iyiydi. Bir iki yıl sonra İbrahim Beyçik, Oş çevre-sini yağmaladığında, Hudayberdi Timurtaş onun peşinden gidip savaştı; yenilip şehit oldu. O sırada Sultan Ahmed Mirza, Ura Tepe’nin Ak Kaçgay denilen yaylasındaydı; burası Semerkant’ın on sekiz yığaç doğu tarafın-dadır. Sultan Ebu Said Mirza, Herat’ın on iki yığaç doğusunda bulunan Baba Haki’deydi. Bu haberi Abdülvehhab Şikavul aracılığıyla mektupla Mirza’ya atlı ulakla ulaştırdılar. Bu yüz yirmi altı yığaçlık yolu dört günde alır. Bir diğeri Hafız Muhammed Bey Dulday’dı. Sultan Melik Kaşgari’nin oğlu Ahmed Hacı Bey’in küçük kardeşiydi. Hudayberdi Bey öldükten sonra onu saray idaresinin yetkilisi olarak göndermişlerdi. Sultan Ebu Said Mirza’nın ölümünden sonra Andican beyleriyle iyi geçinemediği için Semerkant’a, Sultan Ahmed Mirza’nın hizmetine gitti. Sultan Ahmed Mirza Çir bozgununa uğradığında Ura Tepe’deydi.
There was also Agha Sultan. His amirs: there was Khudayberdi Temurtash, descended from the elder brother of Aq Bugha Beg, governor of Herat. When Sultan Abu Sa‘id Mirza besieged Juki Mirza in Shahrukhiyya, he gave Fergana province to Umar Shaykh Mirza and sent this Khudayberdi Temurtash to head the court household. At that time Khudayberdi Temurtash was twenty-five years old. Although he was young, his arrangements and his ability to maintain order were very good. A year or two later, when Ibrahim Begchik raided the districts of Osh, Khudayberdi Temurtash followed him and fought, but was defeated and died a martyr. At that time Sultan Ahmad Mirza was at Aq Qachghay, a summer pasture belonging to Ura Tepa, eighteen yighach east of Samarkand. Sultan Abu Sa‘id Mirza was at Baba Khaki, twelve yighach east of Herat. Through Abdulwahhab Shiqawul, they sent a written report of this news to the Mirza by mounted courier. The journey of a hundred and twenty-six yighach was made in four days. Another was Hafiz Muhammad Beg Dulday, the younger brother of Ahmad Haji Beg, son of Sultan Malik Kashghari. After Khudayberdi Beg died, they sent him to take charge of the court household. After Sultan Abu Sa‘id Mirza’s death, because he did not get on well with the begs of Andijan, he went to Samarkand to enter Sultan Ahmad Mirza’s service. When Sultan Ahmad Mirza suffered the defeat at Chir, Hafiz Muhammad was in Ura Tepa.