✺Baburname

Bular ham ihtiroz qilib yovuqroq kelmadilar. Ushul dastur bila erishib keladur lar edi. Oftob o‘ltura tog‘qa yovuq yettim. Bardast ayttilar: “Mundoq yetib qayon borasiz? Jahongir Mirzoni tutub kelturdilar. Nosir Mirzo xud alarning iligida edi.”

Manga bu so‘zlaridin xayli dag‘dag‘a bo‘ldi, bu jihatdin kim borchamiz aning iligida bo‘lsak xatar ehtimoli ko‘ptur. Javob bermadim. Tog‘ sori yurudum. Yana xayli yo‘l borilib edi kim yana so‘z ayta kirishtilar. Bu yo‘l avvalqi navbatdin muloyimroq hikoyat qildilar. Atdin tushub so‘z ayta kirishtilar. Bularning so‘ziga quloq solmay yuruy berdim. Dara yuqqori o‘q boradur men. Namozi xuftan-g‘acha bordim. Oxir bir uycha toshqa yettim. Toshdin evruldum. Segirtchalar bo‘ldi.

At borolmadi. Alar ham tushtilar. Hurmat-u ta’zim bila hanuz muloyimroq ayta kirishtilar. Dedilar kim: “Mundoq etib qorong‘u kecha yo‘l yo‘q qayong‘a borasiz?”

Ontlar ichadurlar kim: “Sizni Sulton Ahmad Beg podshoh ko‘tarur.” Men dedim kim: “Mening ko‘nglum to‘xtamaydur. Anda bormoq xud mumkin emas. Agar sizlarning bajogoh [?] xizmat qilur xayolingiz bordur, xud mundoq xizmat qopusi yillarda topilmas. Meni bir yo‘lg‘a boshlang kim Xonlar qoshig‘a boray. Sizlar-ga ko‘ngullaringiz tilagandin ortuqroq rioyat-u shafqat qilay. Yo‘q, agar muni qilmasangiz kelgan yo‘lungiz bila yoning. Mening olim otig‘im [?]. Bu ham bir yaxshi xizmattur.” Dedilar kim: “Koshki kelmasak edi. Chun kelduk, sizni mundoq solib ne tavr yonoling? Chun bormay siz, har qayon borsangiz xizmatta bo‘lg‘umizdur.” Men dedim: “Pas sidqi qavlungizg‘a