✺Baburname

Axsining yuqoriqi kentlarining to‘g‘risidin daryoni o‘tub borib Pop qo‘rg‘onig‘a kirdilar. Bir necha kundin keyin g‘arib amri voqi’ bo‘ldi. Ul mahal Ibrohim Chopuq Tag‘oyi, Ahmad-i Qosim Kuhbur, Qosim Xitika [?] Arg‘un, Shayx Boyazid bila Axsida edilar. Bu mazkur bo‘lg‘on-larg‘a ikki yuzcha obodon yigitlarni qo‘shub g‘ofillig‘in [?] bir kecha Pop qo‘rg‘onining ustiga yiborur. Sayyid Qosim ehtiyot qilmay g‘ofil yotqon ekandur. Qo‘rg‘ong‘a yetib shotu qo‘yub chiqib darvozani olib pul-i ravon solilib yetmish seksoncha obodon yorog‘lig‘ yigitlar kirganda Sayyid Qosimg‘a xabar bo‘lur. Uyquluq ko‘nglakchan qo‘pub besh olti kishi bila otqulob ura-ura bularni chiqorur. Bir necha bosh kesib yibordi.

Agarchi mundoq g‘aflat bila yotmoqlig‘i ko‘p besardorona edi, vale oz kishi bila mundoq yorog‘lig‘ obodon qalin yigitlarni zarb-i rost urub chiqormoqlig‘i xayli mardona edi.

Bu muddat xonlar Andijon qo‘rg‘onining muhosarasig‘a mashg‘ul edilar. Qo‘rg‘on eli qo‘rg‘onning yaqinig‘a kelganni qo‘ymaslar edi. Yigitlar otlig‘ chiqib toshqori chopquloshurlar edi. Axsidin Shayx Boyazid davlatxohliq izhor qilib kishi yibora boshlodi. Bizni bajidd tiladi. Bu tilamakning g‘arazi bu edi kim har hiyla bila meni xonlardin oyirg‘oy.