✺Baburname

yosunluq bisyor voqi’ bo‘lur: g‘animni tuyubtur deb sahlangorliq qilibtur, ish mahalli favt bo‘lubtur. Tajriba ush mundoq nimalardur. G‘araz kim ish qopug‘a kelgan mahalda jidd-u ihtimomni taqsir qilmas kerak. So‘ngra pushaymonlig‘ befoyidadur. Tong otqonda qo‘rg‘on girdida ozog‘loq urush bo‘ldi. Bajidd urush solmaduq. Navkanddin tog‘ sori Peshxoron tarafig‘a chog‘qun maslahatig‘a borildi. Shahboz Qorlig‘ fursatni g‘animat tutub Navkandni toshlab qochib Kosong‘a bordi. Biz yonib kelib Navkandta o‘lturduq.

Bu ayyomda atrof-u javonibni necha qatla cherik borib choptilar. Bir navbat Axsining kentlarini choptilar. Yana bir qatla borib Kosonni choptilar. Shahboz bila Uzun Hasan-ning Mirim otlig‘ soxlog‘on o‘g‘li urushig‘a chiqtilar, urushtilar, bosildilar. Mir anda o‘ldi. Axsining berk qo‘rg‘onlaridin biri Pop qo‘rg‘onidur. Poplig‘ Pop qo‘rg‘onini berkitib bizga kishi yiboribturlar. Sayyid Qosimni bir necha yigitlar bila yiborildi.