✺Baburname

bo‘ldilar. Mening bila bo‘lg‘on uch kishi dedilar kim: «Qorong‘u kecha, yog‘ining ko‘pi ozi ma’lum-u mushaxxas emas. Bo‘lg‘on cherik eli tamom kettilar. Biz to‘rt kishidin ne miqdor mutazarrir bo‘lg‘aylar? Borib bu doring‘on elga yetib urushmoq kerak». Qatrab elga yetib urub qamchilab harchand qilib el yig‘ilmadi. Yana bu to‘rt kishi bila yonib o‘q qo‘yduq. Ozroqcha to‘xtadilar. Chun bir iki navbat ko‘rdilar, biz uch to‘rt kishi, besh emas biz, yana elni qavlog‘a yetushurmakka mashg‘ul bo‘ldilar. Ushbu dastur bila uch to‘rt qatla borib elni tiydim.

El tiyilmag‘och yana ushbu uch kishi bila yonib o‘q qo‘yub g‘animni yondurdum. Iki uch kuro‘hgacha elni Xarobuk va Pishomunning ro‘baro‘yidag‘i pushtagacha qavlay keldilar. Pushta-g‘a yetkanda Muhammad Ali Mubashshir uchradi. Men dedim kim: «Bu oz kishidur, turub ot sololing». Turub ot solduq. Erisha turub qoldilar. Parishon bo‘lg‘on el ul tarafdin bu tarafdin yig‘ilib keldilar. Ba’zi obodon yigitlar ushbu doring‘on bila rost O‘shqa boribturlar. Bu kayfiyyat mundoq ekandur kim Ayyub Begchikning tumanidin bir necha Mo‘g‘ul O‘sh-din bizdin ayrilib qaroqliqqa Andijonning girdiga kelgan ekandurlar. Bizning cherikning g‘avg‘osin eshitib inchkalik bila ilgarirak kelib urondoshurlar. Bu uron ikki nav’ bo‘lur.