✺Baburname

tahqiq bilmay xoliyzihn sur’at bila otlanib edim. Bayakbor Xon uchray-o‘q tushtilar.

Ilgari yurudum. Men tushkanda-o‘q Kichik Xon dodam voqif bo‘ldi. Xayli iztirobta bo‘ldi. G‘olibo andoq xayoli bor ekandur kim bir yerda tushub o‘lturub mening bila ta’zim bila ko‘rushgaylar. Yovuq yetishib tushtum. Mahal ul taqozo qilmadi. Yukungucha fursat ham bo‘lmadi. Yukunub borib ko‘rushtum. Iztirob-u infi’olda bo‘lub filhol Sulton Sa’id Xon bila Bobo Xon Sultonni buyurdilar kim tushub mening bila yukunub ko‘rushgay-lar. Xonning o‘g‘lonlaridin ushbu ikki sulton-o‘q kelib edi. O‘n uch o‘n to‘rt yoshta bo‘lg‘oylar edi. Bu sultonlar bila ko‘rushub otlanib Shoh Begim qoshig‘a kelduk.

O‘lturub o‘tkan kechkan kayfiyat-u holottin yarim kechagacha o‘lturub aytishtilar. Tonglo Kichik Xon dodam manga Mo‘g‘ulcha rasmlig‘ bosh-oyoq va qurini va egarlig‘ xossa otini inoyat qildi. Maftuhluq [?] Mo‘g‘uliy bo‘rk va sanchma tikkan Xatoyiy atlas to‘n, Xatoyiy qur, burunqi rasmlig‘ toshi jantoy bila. Jantoyni so‘l sori, yana uch to‘rt nima xotun kishining yoqa-sig‘a osar anbaron va xaritasidek nimalar osibturlar. O‘ng sori ham ush mundoq uch to‘rt nima osibturlar. Ol yerdin Toshkand sori mutavajjih bo‘ldilar.