✺Baburname

Yana davon oshib Maschog‘a kelduk. Xotirg‘a kechti kim mundoq tog‘din tog‘qa alohon-u alomon viloyatimiz yo‘q yerimiz yo‘q yurmak betaqribdur. Xon qoshig‘a Toshkandka-o‘q boroling. Qosim Beg bu yurumoqqa rizo bo‘lmadi. Qoro Buloqta uch to‘rt Mo‘g‘ulni zabt-u siyosat uchun o‘lturub edi, nechuk kim mazkur bo‘ldi. G‘olibo ushul jihattin bormoqqa taraddud qildi. Har necha mubolag‘a qilduk, bo‘lmadi. Oqo-ini va tavobi’-u lavohiqi bila Hisorg‘a tortti. Biz Abburdon ko‘tali bila oshib Xon qoshig‘a Toshkandqa mutavajjih bo‘lduk.

Ushbu ayyomda Tanbal cherik tortib Ohangaron jo‘lgasig‘a keldi. Cherik ustida Muhammad Do‘g‘lat, kim Muhammad Hisoriyg‘a mashhur edi, yana inisi Sulton Husayn Do‘g‘lat, Qanbar Ali Sallox muttafiq bo‘lub Tanbalg‘a qasd qilurlar. Bu muhimni Tanbal sar bergach tura olmadilar. Xon qoshig‘a qochib keldilar. Bizga qurbon iydi Shohruxiyada bo‘ldi. Betavaqquf o‘tub Xon qoshig‘a Toshkandka bordim. Bu ruboiyni aytib edim. Ma’mul qofiyasida taraddudum bor edi. Ol mahalda she’r mustalahotig‘a muncha tatabbu’ qilmaydur edim. Xon xushtab’ kishi edi. She’r aytur edi, agarcha sar-somonlig‘ g‘azali kamroq edi. Bu ruboiyni Xong‘a o‘tkarib taraddudumni arz qildim. Ko‘ngul yoqqudek shofiy javob topmadim. G‘olibo she’r mustalahotig‘a kamroq tatabbu’ qilg‘ondurlar. Ol budur: