✺Baburname

shiddati eldin daf’ bo‘ldi. Umrumizda muncha farog‘at qilmaydur eduk. Muddat-ul-umr omonliq va arzonliq qadrini muncha bilmaydur eduk. Ishrat usrat-tin so‘ngra, farog‘at mashaqqat-tin keyin lazzatlig‘roq va yaxshiroq ko‘runur. To‘rt besh navbat ush mundoq shiddat-tin rohatqa va mashaqqat-tin farog‘atqa muntaqil bo‘luptur. Avvalqi navbat bu edi. Mundoq dushman balosidin va ochliq ibtilosidin xalos bo‘lub omonliq rohatig‘a va arzonliq farog‘atig‘a yetishtuk. Uch to‘rt kun Dizakta istirohat qilduq. Andin so‘ng Ura Tepa sori azimat qilduq. Pishog‘ar bir nima yo‘ldin qisqaroqtur. Chun

muddate anda bo‘lub edim, o‘tub borurda borib ani sayr qildim. Pishog‘arning qo‘rg‘onida Otun kim muddat-i madid edi mening anam Xonimg‘a mulozamat qilur edi, bu navbat ulog‘sizlig‘-tin Samarqandta qolib edi, uchray tushti.

Ko‘rushtum, so‘rdum. Samarqanddin bu yerga yayoq keliptur. Mening anam Xonim-ning singli Xub Nigor Xonim olami foniyni vido’ qilg‘on ekandur. Ura Tepada Xonimg‘a va manga eshitturdilar. Mening atamning onasi ham Andijonda favt qilg‘on ekandur. Ani ham munda eshitturdilar. Xonim, xon-bobom shunqor bo‘lg‘oli, onolari, inilari, singillarini kim Shoh Begim va Sulton Mahmud Xon va Sulton Nigor Xonim va Davlat Sulton Xonim bo‘lg‘oy, ko‘rmaydur edilar. Muforaqat imtidodi o‘n uch, o‘n to‘rt yilg‘a tortib edi. Tug‘qonlarini ko‘rgali Toshkandga mutavajjih bo‘ldilar. Men Muhammad Husayn Mirzo bila so‘zlashib Ura Tepa-ning [kent]laridin Dehkat degan yerda qishlamoq bo‘ldum. Borib uruq-ni Dehkatta qo‘yub bir necha kundin so‘ng Shoh Begimni va xon-dodamni