✺Baburname

o‘n uch o‘n to‘rt kungacha Sekiz Yulduz g‘anim orqasi sori bo‘lur edi. Ul mulohazalar hech ekandur. Be-taqrib ta’jil qilibtur biz. Sabohi urush doiyasi bila jabalonib, atlarg‘a keyim kechim solib, barong‘ar, javong‘ar, g‘o‘l, irovul yasol yosab mutavajjih bo‘lduk. Barong‘ar: Ibrohim Soru, Ibrohim Joniy, Abu’l-Qosim Ko‘hbar, yana ba’zi beglar edi. Javong‘ar: Muhammad Mazid Xon, Ibrohim Tarxon, Samarqand beglari Sulton Husayn Arg‘un, Qoro Barlos, Pir Ahmad-i Xoja Husayn edi.

G‘o‘lda Qosim Beg va yana ba’zi yovuq ichkilar edi. Irovul: Qanbar Ali Saloh, Banda Ali, Xoja Ali, Mir Shoh Qo‘chin, Sayyid Qosim Eshik Og‘o, Xoldor Banda Alining inisi, Qo‘ch (Haydar Qosim Begning o‘g‘li), bo‘lg‘on obdon yigitlarni va ichkilarni tamom irovulg‘a bitilib edi. Biz kim yosab chiqtuk, g‘anim ham utrudin yosab paydo bo‘ldi. Barong‘ari Mahmud Sulton, Joniy Beg Sulton, Temur Sulton; javong‘ari Hamza Sulton, Mahdiy Sulton, yana ba’zi sultonlar edi. Yasollar yovuq yetkach g‘animning barong‘arining uchi bizning orqamiz sori yuruldi. Men ham yuzumni alar sori qildim. Bizning irovul kim ne kim