✺Baburname

yuz ranj-u mashaqqat bila muhlik baland-u tang ko‘tallardin oshib Fon navohisig‘a kelduk. Fon tog‘larining orasida ulug‘ ko‘l tushubtur. Muhiti taxminan bir shar’iy bo‘lg‘an tavr ko‘lidur. G‘arobattin xoli emas. Xabar topildi kim Ibrohim Tarxon Sheroz qo‘rg‘onini berkitib o‘lturubtur. Yor Yayloq qo‘rg‘onlarida ham Qambar Ali va Abulqosim Ko‘hbar kim Xoja Didorda edi, O‘zbek Samarqandni olg‘anda Xoja Didorda tura olmay Yor Yayloqqa kelib quyuqi qo‘rg‘onlarda edi, berkib o‘lturubturlar. Fonni o‘ng qo‘lda qo‘yub Kashtud sori yuruduk.

Fon maliki kim karam-u saxovat va xizmatkorliq-u insoniyat bila mashhur-u ma’ruf edi, Sulton Mas’ud Mirzo Sulton Husayn Mirzo Hisor ustiga kelganda inisi Boysunghur Mirzog‘a Samarqandg‘a bu yo‘l bila borib edi. Fon maliki yetmish seksan ot peshkash qildi. O‘zga xizmatkorlig‘larni ham ushbu yosunluq qildi. Manga bir furudroq ot yiborib o‘zi ham kelmadi. Bizga yetganda saxovat bila mashhur bo‘lg‘an el xasis bo‘lur, muruvvat bila mazkur bo‘lg‘an elning muruvvati unutulur. Xusrav Shoh kim saxovat-u karam bila ma’ruf-u mashhur edi, Badi’uzzamon Mirzog‘a ne nav’ xizmatkor-liqlar qilg‘ani mazkur bo‘ldi. Yana Boqiy Tarxong‘a va o‘zga beglarga asru ko‘p