✺Baburname

Muhammad Mazid Tarxon boshlig‘ Samarqand beglari ko‘ch-u ahl-u iyollari bila bizning bila tebradilar. Chag‘oniyonning Jaltu O‘langiga tushganda Muhammad Mazid Tarxon boshlig‘ Samarqand beglari ayrilib borib Xusrav Shohg‘a navkar bo‘ldilar. Biz shahr-u viloyattin mahrum, borur turar yerimiz noma’lum. Bovujud kim Xusrav Shoh ne miqdor bizning xonavodag‘a hayflar o‘tkarib edi, chora topa olmay zarurattin aning viloyatining ichi bila-o‘q o‘ttuk. Biz xayol qililib edi kim Qorategin va Oloy bila o‘tub kichik xondodamg‘a kim Olacha Xon bo‘lg‘ay borilg‘ay, ul muyassar bo‘lmadi. Kumrud yuqqori yurub Saratoq dabonidin

oshmoq bo‘lduq. Navandak navohisig‘a yetganda Xusrav Shohning navkari bir to‘quz ot va bir to‘quz porcha kelturdi. Kumrud og‘zig‘a tushganda Sher Ali Chuhra qochib Vali-yi Xusrav Shoh qoshig‘a bordi. Tonglasig‘a Qo‘ch Beg ayrilib Hisor bordi. Kumrud darasig‘a kirib yuqqori boqa yuruduk. Tangida va uchma yo‘llarda va tund-u tez ko‘tallarda qalin ot va teva qoldi. Uch to‘rt aro qo‘nub Sara Tog‘ ko‘taliga yettuk. Ko‘tal va ne nav’ ko‘tal. Hargiz mundoq baland-u tang ko‘tal ko‘rulgan emas. Hech vaqt mundoq tangi va uchma yo‘llar bila yurulgan emas. Ko‘p tashvish-u su’ubat bila muxotara tangi va uchmalardin o‘tub