✺Baburname

kishi avqot zoyi’ qilg‘ay? Qubodin Marg‘inong‘a kelildi. Qo‘ch Begning otasi Sulton Ahmad Begga Marg‘inonni berilib edi. Aloyiq-u avoyiq jihatidin mening bila ergasha olmadi. Marg‘inonda qoldi. O‘g‘li Qo‘ch Beg bir-ikki og‘a-inisi bila mening bila bordilar. Ispara yo‘lig‘a bo‘lduk. Ispara-ning tavobi’i Mixan otliq kentka kelib tushtuk. Ittifoqot-i hasanadin Qosim Beg jamoati bila Ali Do‘st jamoati bila Sayyid Qosim yana bir pora qalin yigit-lar bila ushbu oqshom Mixanda ekanda ba’ayni [?] boljor qilg‘on dek barcha kelib qotildilar.

Andin otlanib Dasht-i Xusfon [?] bila yurub Cho‘pon Ko‘prukidin o‘tub O‘ra Tepa keldim. Qambar Ali o‘z viloyati Xo‘jandtin Tanbalg‘a e’timod qilib cherik maslahatini so‘zlasha Axsig‘a kelur. Bu voqi’a bo‘lg‘och Tanbal ani band qilib olib viloyatlarining ustiga yurur. Ul bir turkiy masal bor kim: Inonmag‘il do‘stungg‘a, somon tiqor po‘stungg‘a. Yo‘lda kelturadurkanda yayoq qochib yuz tashvishlar bila O‘ra Tepaga keldi. O‘ra Tepada ekanda xabar keldi kim Shayboniy Xon Qal’a-i Dabusi’da Boqiy Tarxonni bosib Buxoro ustiga boribtur.