✺Baburname

berilgay. So‘zni munga qaror berildi. Jahongir Mirzo va Tanbal tonglasig‘a kelip Rajab oyining avoxirida mulozamat qildilar. Ushbu muqarrar bo‘lg‘an yosunluq ahd u shartlar bo‘ldi. Jahongir Mirzog‘a Axsi sori ruxsat berip o‘zum Andijong‘a muroja’at qildim. Andijong‘a kelgach Tanbalning inisi Xalil va jomi’ kim bandta edilar, banddin chiqorip xil’atlar keydurup ruxsat berildi.

Alardog‘i banddog‘i beglarni, ichkilarni, kim Tag‘oyi Beg va Muhammad Do‘st va Mir Shoh Qo‘chin va Sidi Beg va Qosim Ajab va Pir Vays va Mirim Devon boshlig‘lar bo‘lg‘ay, bandtin chiqorip yibardilar. Andijong‘a kelgandin so‘ng Ali Do‘st-ning atvori tamom o‘zgacha bo‘ldi. Mening bila qazoqliqlarda va mehnatlarda bo‘lg‘an kishilar bila yomon ma’osh qila kirishti. Avval Xalifag‘a ruxsat berdi.

Andin so‘ng Ibrohim Soruni va Vays Log‘arini begunoh, bejihat tutturup talatip viloyatlaridin oyirip ruxsat berdi. Qosim Beg bila chirmaship yurur edi. Zohirda muni sanad qildi kim: «Xalifa va Ibrohim Xoja Qozining havodorlaridur. Mendin intiqom olg‘ularidur». O‘g‘li Muhammad Do‘st xud podshohona bunyodlar qo‘ydi, suhbat, shilon u devon u dastgoh borchani salotin dasturi bila boshladi. Bu otaliq o‘g‘ulluq Tanbalg‘a orqalonip mundoq harakatlar bunyod qildilar. Menda ham ancha ixtiyor u iqtidor qolmadi kim bu nav’ noma’qul harakatlardin bularni man’ qila olg‘ay men, ne jihattin kim