✺Baburname

Sulton Ahmad Qarovul jamoati bila kelib qotilg‘onni shugun tutub sabohi oq g‘anim ustiga yosob yuruduk. Ob-i Xonda turush bermay yurtidin ko‘chti. Ba’zi chodir-u gilim-u portol dek nimalari cherik eliga tushti. Kelib aning yurtig‘a tushtuk. Ushbu axshomi Tanbal Jahongirni olib o‘ng yonimizdin evrulub Xubon degan kentka, kim Andijon sori yonimizda bizdin uch yig‘och bo‘lg‘ay edi, kelib kirdi. Ertasi biz ham barang‘or, javong‘or, g‘ul, hirovulni tartib qilib kiyim kiyib yarog‘lanib yosol yosob to‘ra ko‘targan yayog‘larni allimizg‘a solib

g‘anim ustiga yuruduk. Bizning barang‘or Ali Do‘st Tag‘oyi edi tavobi’i bila, javong‘or Ibrohim Soru va Vays Log‘ariy, Sidi Qoro, Muhammad Ali Mubashshir, Xoja Kalon Begning og‘asi Kichik Beg, yana ba’zi ichkilar; Sulton Ahmad Qarovulni va Qoch Begni og‘a-inilari bila javong‘org‘a bitildi. Qosim Beg g‘ulda mening qoshimda edi. Irovul Qambar Ali va yana ba’zi ichkilar. Xubonning sharq-janub tarafidin Saqo otliq kentka, kim Xubondin bir shar’iy bo‘lg‘ay, yetishib eduk kim g‘anim kishisi Xubon kentidin yosob chiqti. Biz ham ildomroq oq yuruduk. Hazm-u ehtiyotni mar’iy tutub to‘ra-yayoq kim tartib