Baburname

Demir Barlas

Page 134 · 68a
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 68a
Choose languages

Page 134 of 762

Languages

Chagatay

غنیمنینک کیشیسی زورراق کیلیب بیکبار اوروش اثناسیده سیدی بیک نی آلدیلار اوشبو ییل خسرو شاه بلخ اوستیکا چریک بارور خیال بیله بایسنغر میرزانی تیلاپ قندوزغه کیلتوروب بلخ اوستیکا اتلاندی او باچ قه ییتکان چاغده خسرو شاه بدبخت کافر نعمت سلطنت دغدغه سی بیله کیم سلطنت انداق ناقص بی هنرلارغه نی نوع یتکای نی اصل نی نسب نی هنر نی حسب نی تدبیر نی شجاعت نی انصاف نی عدالت بایسنغر میرزانی بیک لاری بیله توتوپ بایسنغر میرزا غه کیریش سالیب محرم ای نینک اون ایدی کیم مونداخ خوشطبع و پر فضیلت و حسب و نسب بیله آراسته بادشاه زاده نی شهید قیلدی بیک لاری

Turkish

Düşmanın adamları üstün gelip çarpışma sırasında birden Sidi Bey’i ele geçirdiler. Bu yıl Hüsrev Şah, Belh üzerine ordu yürütmek düşüncesiyle Baysungur Mirza’yı çağırıp Kunduz’a getirtti ve Belh üzerine yürüdü. Av Baç’a vardıkları sırada o bedbaht, nankör Hüsrev Şah, hükümdarlık hevesiyle —hükümdarlık öyle eksik ve beceriksiz kişilere nasıl nasip olur? Ne kökeni, ne soyu, ne hüneri, ne itibarı, ne tedbiri, ne cesareti, ne insafı, ne adaleti var— Baysungur Mirza’yı beyleriyle birlikte yakaladı; Baysungur Mirza’nın boynuna yay kirişi doladı; muharrem ayının onuncu günü böylesine hoş yaradılışlı, erdemlerle dolu, şeref ve soyla bezenmiş bir şehzadeyi öldürdü. Beylerinden

English

Not yet available.

Languages

Chagatay

و ایچکی لاریدین هم بیر نیچه نی اولتوردی ولادت و نسب ولادتی سککیز یوز سیکسین ایکی ده حصار ولایتیده ایدی سلطان محمود میرزا نینک ایکینجی اوغلی دور سلطان مسعود میرزا دین کیچیک سلطان علی میرزا و سلطان حسین و سلطان ویس میرزا کیم خان میرزا بیله مشهور دور اولوغ اناسی پاشه بیگیم ایدی شکل و شمایلی اولوغ کوزلوک قوبه یوزلوک اورته بویلوق تورکمان چهره لیک ملاحت لیق یکیت ایدی اخلاق و اطواری عدالت پیشه و آدمی و خوشطبع و فضیلت لیق بادشاه زاده ایدی استادی سید محمود شیعی ایکان دور بو جهت تین بایسنغر میرزا هم مطعون ایدی سونک دایدیلار کیم سمرقندته اول یمان عقیده دین

Turkish

ve yakın maiyetinden de birkaçını öldürdü. Doğumu ve soyu. Sekiz yüz seksen iki yılında Hisar vilayetinde doğdu. Sultan Mahmud Mirza’nın ikinci oğluy-du; Sultan Mesud Mirza’dan küçüktü, Sultan Ali Mirza, Sultan Hüseyin ve Sultan Veys Mirza’dan —Han Mirza diye tanınır— büyüktü. Annesi Paşa Begim’di. Görünüşü ve çehresi. Büyük gözlü, dolgun yüzlü, orta boylu, Türkmen çehreli, güzel yüz-lü bir gençti. Ahlakı ve davranışları. Adaleti gözeten, insancıl, hoş yaradılışlı ve erdem-li bir şehzadeydi. Hocası Seyyid Mahmud Şiiymiş. Bu yüzden Baysungur Mirza da eleştirilirdi. Sonradan, Semerkant’ta o kötü inançtan

English

Not yet available.