✺Baburname

muxoliflarning ustiga barang‘or-u javang‘or-u g‘ul-u hiravul-u otlig‘-yayoq-ni yasab, yasal bila o‘q mutavajjih bo‘lduk. O‘shqa yovuq yetkan mahalda xabar topildi kim muxoliflar O‘sh navohisida tura olmadi. Ribot-i Sarhang Orchin’i sarig‘a, kim O‘shning shimolidur, tortmish. Ul oqshom Lotkand kent-ta tushuldi. Tonglasi yasab O‘shdin o‘tkanda xabar keldi kim muxoliflar Andijon sari bormish. Biz ham O‘zkand ustiga mutavajjih bo‘lduk. O‘zimizdin ilgarirak O‘zkand navohisini chopqali chopqunchi ayirduk. Muxoliflar kim Andijong‘a borurlar, kecha bila xandaqqa kirib fasilg‘a shotu qo‘yar chog‘-da qo‘rg‘ondag‘ilar tuyarlar. Hech ish qila olmay yondilar. Bizning chopqunchi

ham borib O‘zkand navohisini kim chopar, oncha nima eliklariga tushmay yonib keldilar. O‘sh qo‘rg‘onlaridin Mozu qo‘rg‘onida, kim ul orada rostliq bila mashhur qo‘rg‘ondur, Tanbal inisi Xalilni ikki yuz-ikki yuz ellik kishi bila qo‘yub ul qo‘rg‘onni berkitib edi. Yonib kelib Mozu qo‘rg‘onig‘a urush solib zo‘r kelturduk. Mozu qo‘rg‘oni xayli rost qo‘rg‘ondur. Shimoli sari kim soydur, xayli baland voqe’ bo‘lubtur. Agar soydin o‘q otsalar shoyad kim fasilg‘a yetkay. Obduzdi ushbu taraf voqe’ bo‘lubtur. Qo‘rg‘ondin quyig‘a boqa ko‘cha dek ikki taraf-din fasil qo‘porib kelturub sug‘a yetkurubturlar. Pushta taraflari xandaq-dur. Soyg‘a yovuq uchun soy toshlaridin ulug‘-ulug‘ qozon