✺Baburname

Qosim Beg, Ali Do‘st Tag‘oyi, Ibrohim Saru, Vays Log‘ariy, Sidi Qaro bila uch-to‘rt begdin va ichkidin chiqdilar. O‘zga aksar beglar va ichkilar elikka tushtilar. Elikka tushkan beglardin va ichkilardin Ali Darvish Beg, Mirim Log‘ariy, Toqa Beg, Tag‘oyi Beg, Muhammad Do‘st, Ali Do‘st, Mir Shoh Qo‘chin, Mirim Devon.

Bu urushda ikki yigit tavri chopqulashurlar. Bizning saridin Ibrohim Saruning inilaridin Samad otlig‘, alar saridin Hisoriy Mo‘g‘ul-lardin Shahsuvor otlig‘ ro‘baro‘ bo‘lurlar. Shahsuvor andoq chopar kim dulg‘a-din o‘tub Samadning boshig‘a qilichi xayli o‘lturur. Bovujud zaxm Samad andoq chopar kim Shahsuvorning boshidin kaff-i dastcha porcha so‘ngakni qilichi olib ketar. Shahsuvorning dulg‘asi yo‘q ekandur. Shahsuvorning boshini oydi-lar, yaxshi bo‘ldi. Samadning boshini oyar kishi yo‘q edi. Uch-to‘rt kundin so‘ng ushul zaxm bila o‘q bordi. Qazoqliqlardin va falokatlardin

xalos bo‘lub yangla viloyat olg‘on mahalda ajab be-vaqt shikast edi. Qambar Ali Mo‘g‘ul kim bir rukn-i a’zam ul edi, Andijonni olg‘on chog‘da viloyatig‘a borib edi, yo‘q edi. Ushmuncha bila Tanbal Jahongirni olib kelib Andijonning bir shar’iysi Pushta-i Ayshning ollidog‘i o‘langga tushti. Bir-ikki qatla Childuxtaron bila yasab Pushta-i Ayshning domanasig‘a keldi. Bizning yigitlar mahallot va bog‘ottin toshqori o‘q yasab chiqdilar. Ilgari kela olmadi. Domana-din o‘q nari yondi. Ushbu navohig‘a kelganda tushkan beglardin Mirim Log‘ariyni va Toqani o‘lturdi. Bir oyg‘a yovuq bu tegrada o‘lturub