Baburname

Demir Barlas

Page 106 · 54a
Chagatay · Turkish · English
Aa
27px
20px
1.85×
1.72×
···
Aa
27px
20px
1.85×
1.72×

Search the book

Current text and passage notes across all 762 pages. Page-level annotations are not included.

Use quotation marks for an exact phrase. Separate words may occur in different readings of the same passage. Notes are searched in their original language.

Search all 762 pages.

Bookmarks (0)

Open a passage to bookmark it.

Saved in this browser.
Manuscript folio 54a
Choose languages

Page 106 of 762

Latin transcription

Mavlono Qozining oti Abdullohdur. Bu ot bila mashhur bo‘lub edi. Ota tarafidin nasabi Shayx Burhonuddin Qilichg‘a muntahi bo‘lur. Ona tarafidin Sulton Elik Moziy-g‘a yetar. Farg‘ona viloyatida bu tabaqa muqtado va shayx-ul-islom va qozi bo‘la kelgandurlar.

Languages

Chagatay

مولانا قاضی نینگ آتی عبدالله دور بو آت بیله مشهور بولوب ایدی آتا طرفیدین نسبی شیخ برهان الدین قلیچ غه منتهی بولور انا طرفیدین سلطان ایلک ماضی غه یتار فرغانه ولایتیده بو طبقه مقتدا و شیخ الاسلام و قاضی بولا کیلکاندورلار

Turkish

Mevlana Kadı’nın adı Abdullah’tır; bu adla tanınırdı. Baba tarafından soyu Şeyh Burhaneddin Kılıç’a dayanır. Anne tarafından Sultan İlig Mazi’ye ulaşır. Fergana vilayetinde bu aileden dinî önderler, şeyhülislamlar ve kadılar çıkagelmiştir.

English

Mawlana Qazi’s name was Abdullah. He was known by this name. On his father’s side, his descent went back to Shaykh Burhanuddin Qilich. On his mother’s side it reached Sultan Ilig Mazi. In Fergana this family had long supplied religious leaders, shaykh al-Islams and qazis.

Latin transcription

Xoja Qozi Hazrat-i Xoja Ubaydullohning muridi edi. Alardin tarbiyat topib edi. Xoja Qozining valilig‘ida mening hech shakkim yo‘qtur. Qaysi ish valoyatqa mundin yaxshiroq dalildur kim alarg‘a qasd qilg‘onlardin oz fursatta osor va alomat qolmadi. Xoja Qozi ajab kishi edi. Qo‘rqmoq anda aslo yo‘q erdi. Ancha dilir kishi ko‘rulgan emas. Bu sifat ham valoyat dalilidur.

Languages

Chagatay

خواجه قاضی حضرت خواجه عبیدالله نینگ مریدی ایدی الاردین تربیت تابیب ایدی خواجه قاضی نینگ ولیلیغیده منینگ هیچ شکیم یوقتور قایسی ایش ولایتقه موندین یخشیراق دلیل دور کیم الارغه قصد قیلغانلاردین آز فرصت ته آثار و علامت قالمادی خواجه قاضی عجب کیشی ایدی قورقماق اندا اصلا یوق ایردی انچه دلیر کیشی کورولکان ایماس بو صفت هم ولایت دلیلی دور

Turkish

Hoca Kadı, Hazret-i Hoca Ubeydullah’ın müridiydi. Ondan eğitim ve destek almıştı. Hoca Kadı’nın veliliğinden hiç kuşkum yoktur. Hangi olay veliliğine bundan daha iyi delil olabilir: Ona kastedenlerden kısa bir süre içinde iz ve belirti kalmadı. Hoca Kadı olağanüstü bir insandı; onda korku hiç yoktu. Onun kadar cesur bir insan görülmemiştir. Bu özellik de veliliğinin delilidir.

English

Khoja Qazi was a disciple of Hazrat Khoja Ubaydullah and had received his spiritual guidance. I have no doubt whatever of Khoja Qazi’s sainthood. What better evidence of sainthood could there be than that, within a short time, no trace or sign remained of those who had plotted against him? Khoja Qazi was an extraordinary man. There was absolutely no fear in him. No one so brave had been seen. This quality too is evidence of sainthood.

Latin transcription

Soyir el har necha bahodir bo‘lsa andoq dag‘dag‘asi va tavahhumi bo‘lur. Xojada aslo dag‘dag‘a va tavahhum yo‘q edi. Xojaning voqiasidin so‘ng xojag‘a mansub ellarni misli no‘kar va chokar va aymoq va ahshomni tamom tutturub tolottilar. Andijong‘a bo‘la Samarqandni elikdin berduk. Andijon ham elikdin chiqmish. Biz g‘ofil «az injo ronda va az onjo monda» degan dek bo‘ldi. Bisyor shoqq va dushvor keldi; ne uchun kim to podshoh bo‘lub edim bu nav‘ no‘kardin va viloyat-tin ayrilmaydur edim. To o‘zumni bilib edim bu yosunluq ranj va mashaqqatni bilmaydur edim. Xojandga kelgach, ba’zi munofiq-shiva ellar Xalifani mening eshikimda ko‘ra olmadilar. Muhammad Husayn Mirzoni va ba’zilarni barin qildilar. Xalifag‘a Toshkand sori ruxsat berildi. Qosim Begni Toshkandga xon qoshig‘a yibarib,

Languages

Chagatay

سایر ایل هر نیچه بهادر بولسه انداق دغدغه سی و توهمی بولور خواجه دا اصلا دغدغه و توهم یوق ایدی خواجه نینگ واقعه سیدن سونک خواجه غه منسوب ایللارنی مثل نوکر و چاکر و ایماق و احشامنی تمام توتتوروب تالاتیلار اندیجانغه بولا سمرقند نی ایلک دین بیردوک اندیجان هم ایلک دین چیقمیش بیز غافل از اینجا رانده و از آنجا مانده دیکان دیک بولدی بسیار شاق و دشوار کیلدی نی اوچون کیم تا بادشاه بولوب ایدیم بو نوع نوکردین و ولایت تین ایریلمایدور ایدیم تا اوزومنی بیلیب ایدیم بو یوسونلوق رنج و مشقتنی بیلمایدور ایدیم خجند که کیلکاچ بعضی منافق شیوه ایللار خلیفه نی منینگ ایشیکیمدا کورا المادیلار محمد حسین میرزا نی و بعضی لارنی برین قیلدیلار خلیفه غه تاشکند ساری رخصت بیریلدی قاسم بیک نی تاشکند که خان قاشیغه ییبارب

Turkish

Öteki insanlar ne kadar yiğit olsalar da bir kaygıları ve korkuları olur. Hocada hiç kaygı ve korku yoktu. Hocanın başına gelen bu olaydan sonra ona bağlı nökerleri, hizmetlileri, topluluğu ve maiyetinin hepsini yakalatıp yağmalattılar. Andican uğruna Semerkant’ı elden vermiştik; Andican da elden çıkmış. Biz gaflet içinde, «buradan kovulmuş, oradan da mahrum kalmış» denildiği gibi olduk. Çok ağır ve güç geldi; çünkü hükümdar olduğumdan beri böyle bir biçimde adamlarımdan ve vilayetimden ayrılmamıştım. Kendimi bildim bileli böyle acı ve sıkıntı tanımamıştım. Hocend’e gelince bazı ikiyüzlü kişiler Halife’yi benim hizmetimde görmeye katlanamadılar. Muhammed Hüseyin Mirza’yı ve bazılarını kışkırttılar. Halife’ye Taşkent tarafına gitme izni verildi. Kasım Bey’i Taşkent’e, hanın yanına gönderip

English

Other men, however brave, have some anxiety and apprehension. In the Khoja there was no anxiety or apprehension at all. After what happened to the Khoja, they had all the people attached to him, such as retainers, servants, clansmen and followers, seized and plundered. For Andijan’s sake, we had let Samarqand slip from our hands. Andijan too had slipped away. We, unaware, had become like the saying, “Driven from here and left without a place there.” It was very painful and hard to bear, for since becoming ruler I had never been separated from my retainers and territory in this way. For as long as I could remember, I had never known such suffering and hardship. After I came to Khojand, some hypocritical people could not bear to see Khalifa in my service. They stirred up Muhammad Husayn Mirza and some others. Khalifa was given permission to go towards Tashkent. Qasim Beg was sent to the Khan in Tashkent